DLL فائلوں سے تو آپ بخوبی واقف ہونگے۔ اگر نہیں تو ہم آپ کو بتائے دیتے ہیں کہ یہ نہ صرف ونڈوز آپریٹنگ سسٹم، بلکہ اس کے تحت کسی بھی پروگرام کو چلانے کیلئے اہم ترین فائلیں ہوتی ہیں۔ البتہ، کبھی کبھار اسکرین پر ایک پیغام نمودار ہوتا ہے کہ سسٹم کو فلاں DLL فائل نہیں مل رہی، جیسے binkw32 یا maxkernl وغیرہ۔ عام طور پر یہ پیغام کوئی نئی ایپلی کیشن انسٹال کرنے کے نتیجے میں ظاہر ہوتا ہے۔ اس کی وجہ یہ ہے کہ جب آپ کوئی نیا سافٹ ویئر یا ڈرائیور انسٹال کرتے ہیں تو اس کی وجہ سے DLL کی کچھ فائلیں بند ہوجاتی ہیں۔ تاہم، اگر آپ چاہیں تو ان فائلوں کو دوبارہ سرگرم بنا سکتے ہیں، اور وہ بھی ایک سادہ کمانڈ Regsvr32 کی مدد سے۔ اس کیلئے اسٹارٹ بٹن پر کلک کرتے ہوئے رن میں جائیے اور وہاں regsvr32 کے ساتھ مطلوبہ DLL فائل کا نام لکھ کر انٹر دبا دیجئے (دھیان رہے کہ ان دونوں کے درمیان ایک اسپیس دینا ضروری ہے)۔ لیجئے آپ کی DLL فائل نے دوباہ کام شروع کردیا!
-
____________
راشد صاحب