[size=36]مائیکروسوفٹ کی تنبیہ[/size]
بیکرزونڈوزآپریٹنگ سسٹم کےذریعے کمپیوٹروں تک رسائی حاصل کرسکتے ہیں
دنیا کی بڑی سافٹ ویئر کمپنی مائیکروسافٹ نے متنبہ کیا ہے کہ ہیکرز اس کے آپریٹنگ سسٹم کے اندر ایک بَگ استعمال کرتے ہوئے لوگوں کے متاثرہ کمپیوٹروں تک رسائی حاصل کر سکتے ہیں۔مائیکروسافٹ کے ترجمان کا کہنا ہے کہ اس کے لیے ہیکرز کمپیوٹر استعمال کرنے والوں کو ایک خاص ای میل یا ویب کانٹینٹ بھیج کر اسے کھولنے کی درخواست کریں گے، جس کا فائدہ اٹھا کر وہ صارفین کے کمپیوٹر تک رسائی حاصل کر لیں گے۔ مائیکرو سافٹ کے مطابق، وہ اس حملے کے بارے میں جانتی ہے اور اس کی تفتیش کر رہی ہے۔ خیال رہے کہ اس مسئلے نے مائیکروسافٹ کے ونڈوز وسٹا، ونڈو سرور 2008، مائیکرو سافٹ آفس 2003، 2010 اور مائیکروسافٹ لِنک کو متاثر کیا تھا۔ مائیکروسافٹ ونڈوز اور آفس کے حالیہ ورژن اس مسئلے سے متاثر نہیں ہوئے کیوںکہ وہ جو گرافکس انٹرفیس استعمال کرتے ہیں وہ اس سے محفوظ ہے۔ مائیکروسافٹ کے ترجمان کے مطابق، وہ سیکیورٹی اَپ ڈیٹ کے ذریعے اس مسئلے کا حل پیش کرے گی۔ دریں اثنا مائیکروسافٹ نے اپنے صارفین کے لیے ہدایت جاری کی ہے کہ وہ اپنی سیکیورٹی سیٹنگز بدل کر اس کا عارضی حل تلاش کر سکتے ہیں۔ تاہم، یہ اس مسئلے کا مستقل حل نہیں ہے لیکن سیکیورٹی اَپ ڈیٹ آنے تک اس سے ہیکرز کی کارروایاں بلاک کی جا سکتی ہیں۔ مائیکرو سافٹ کے مطابق، یہ خرابی ٹیگڈ امیج فائل فارمیٹ (TIFF) کی فائلز استعمال کرتے ہوئے پیش آتی ہے، جس کے گرافکس پروسیسنگ کمپونینٹ سافٹ ویئر ورژن متاثر کرتے ہیں۔مائیکروسافٹ کے مینیجر ڈسٹن چائلڈز نے مائیکروسافٹ سکیورٹی کے بلاگ میں لکھا ہے کہ کہ ہیکروں کی کوئی بھی حرکت صارف کے کمپیوٹر استعمال کرنے کی عادت پر منحصر ہے۔ان کے مطابق،ہیکرز صارفین کو ایک اٹیچمینٹ کے ذریعے پوشیدہ ای میل کھولنے کی درخواست کریں گے اور جیسے ہی اس اٹیچمنٹ کھولا یا دیکھا جائے گا یہ مسئلہ نمودار ہو جائے گا۔
____________
راشد صاحب
____________
راشد صاحب